【Viu】姜濤今日下午啟程飛美國，近百姜糖聞風而至，兩位經理人代為Check in，仲見到係坐頭等添，羨慕死小編喇！
下午5點幾，姜Admin以招牌全黑Look現身，頭戴漁夫帽，期間不少Fans叫偶像加油，又話會掛住佢，最搞笑係有男糖大叫姜濤唔好食咁多漢堡包，認真鬼馬！沿途都有Fans送禮物畀姜濤，佢就溫柔咁話唔可以收，交由助手代收，臨入閘前，姜濤除低口罩做安檢，大家終於可以睇到姜濤嘅靚仔樣！而姜Admin上咗飛機之後仲特登開live同姜糖道別，真係sweet啊！
據知，姜Admin今次係去美國拍劇，預計逗留兩星期，今次真係衝出亞洲喇！
