【viu】前天文台台長林超英同獨立音樂人 Luna Is A Bep，最近合作推出《超英歌》，MV將於6月5號「世界環境日」推出，宣揚環保訊息！由台長轉做樂壇新人嘅超英哥，大呻Rap好難；Luna Is A Bep就大讚超英哥係好學生，活到老學到老！講到歌詞中有超英哥金句：「唔好再問我有冇開冷氣，如果我開冷氣我會通知你！」Luna Is A Bep自爆獲超英哥送風扇，喂呀！小編都想要呀！
潮爆嘅超英哥當然有留意現今樂壇，大讚MIRROR人氣勁，逐個成員點評咁滯，連經理人策略都畀佢睇通睇透，真係世界都被超英哥看透喇！咦？超英哥咁funny，有冇興趣轉做幕前呢？佢就開出一個條件，仲爆埋那些年嘅女神，連颱風命名都講埋，想知就睇足本訪問啦！
