【viu】DJ阿正黃正宜今日出席代言活動，笑話代言費係超開心，大讚品牌搵佢勁有眼光呀！佢又透露近日悟出一個新道理，就係「財少身子弱」，所以呢位「小甜心」呼籲各位客戶多多搵佢開工，保佢身體keep住健康！
講到組合虎牙嘅「健康狀況」，阿正抵死笑話好差，所以第3首歌暫時未能「出世」！不過佢夠旺夫，拍檔梁子身體堅係好咗好多，仲學識表情管理添！之後再講埋間咖啡店，阿正自爆適逢舖頭開業一周年，依家大膽計劃開分店，望分店選址九龍區，畀佢散發東方魅力！阿正亦預告之後會有連串嘅一歲慶生活動，其中包括會播出一條長9個字嘅黑圖大全紀錄片！
另外，「家姐」Hillary日前宣布參演舞台劇，見阿正超sweet帶埋番茄仔去探班添！而呢日阿正話終於可以好自豪咁講，原來係佢向身兼編劇、演員嘅好姊妹Elsie推薦家姐，演一個靚得嚟有氣質、又不太妖孽嘅角色！咁因咩原因阿正唔自薦演呀？下一步課金支持方案又係咩？阿正命你哋去片睇訪問！
