【MOBILE】食拉麵可以一人一格，咁點解同樣嚟自日本嘅鳥冬唔可以呢？今次嚟到食肆臨立，位於銅鑼灣嘅登龍街嘅Solo Udon。Solo Udon以烏冬為主打，座位設計為一人一格，保證每個人都有自己嘅空間，絕對一個人原來都可以盡興。
Solo Udon嘅讚岐烏冬麵係用上北海道小麥粉製成，由日本職人師傅每日親身製作。想落order叫番碗讚岐烏冬都好簡單，每個獨立間板上都會有一個Scanner，只要嘟一嘟收據上嘅QR code，再耐心等一陣，師傅就會拉起布幕為你呈上你order嘅食物。
櫻花蝦芫荽餅天婦羅
天婦羅炸得十分鬆脆，大大隻嘅櫻花蝦為主調，加入一啲都唔孤寒嘅芫茜真係大滿足呀！
明太子芝士春卷
鍾意食芝士嘅你就一定唔可以錯過呢個明太子芝士春卷，因為一切開個春卷，芝士迷最愛嘅拉絲芝士就出現啦，個賣相勁吸引呀！
蛋黃天婦羅
店家用上日本產嘅可生食雞蛋製作，一啖咬開個蛋黃天婦羅，啲蛋汁爆晒出嚟，勁滿足呀！流心嘅蛋黃真係好吸引，完全係極致嘅享受，但奈何只係得一粒蛋黃天婦羅，真係要再encore啊！
安格斯牛肉壽喜燒烏冬麵
牛肉份量唔少，肉味香濃嫩滑，加上日本溫泉蛋，絕對係係壽喜燒汁嘅最佳拍擋。
雞白湯叉燒烏龍麵
呢個雞白蛋非常香濃，真係忍唔住未食烏冬就飲咗幾啖湯呀！雞白湯非常，肥美嘅日式叉燒同烏龍麵掛上雞白湯，真係好好味，清香嘅雞白湯更可以中和豬肉嘅油膩感。
草莓/抹茶罐裝牛乳蛋糕
呢兩個牛乳蛋糕賣相一流，啱晒大家打卡！而且蛋糕係店家每日自家製，味道甜而不膩，絕對係適合香港人嘅口味！
