0
0
〈好食〉又到蠔食嘅季節 銅鑼灣牡蠣小屋

〈好食〉又到蠔食嘅季節 銅鑼灣牡蠣小屋

〈好食〉又到蠔食嘅季節 銅鑼灣牡蠣小屋

【A&M Diary】又嚟到食蠔嘅最佳季節喇!位於銅鑼灣,超強人氣嘅牡蠣小屋,由日本人打理,主打日式料理,餐廳裝修亦充滿東洋風味,環境寬敞舒適。重點當然係餐廳嘅名物:日本牡蠣(生蠔)啦!呢度嘅蠔非常飽滿,加上依家係蠔嘅收成期,所以更為鮮甜,想食嘅記得要提早預約喇!

牡蠣小屋由日本人主理,除咗餐廳環境設計之外,就連大部份食客都係日本人,佢哋同廚師用日文交流,令我都有剎那間以為自己去咗日本呀!另外,一如餐廳之名,喺門口就放有大量新鮮日本生蠔,未食已經讓人充滿期待嘅感覺。

日本生蠔涮涮鍋
生蠔作為餐廳嘅名物,又點可以唔叫番一個日本生蠔涮涮鍋呢!呢個鍋有6隻生蠔、紅蘿蔔、白蘿蔔、日本大蔥同金菇。生蠔足足有大半隻手掌咁大,蠔身豐滿,漲卜卜,味道超新鮮,非常鮮甜!至於紅蘿蔔、白蘿蔔、日本大蔥同金菇就會索晒湯嘅精華,越煮越好味呀!

特上刺身拼盤
呢個拼盤屬於2人份,有北海道海膽、北海道帆立貝、吞拿魚拖羅、牡丹蝦,同廚師發板嘅3款日本直送鮮魚,今日就有赤鋼、(魚立)魚同深海池魚!呢個刺身拼盤絕對係必叫呀!因為CP值非常高呀!首推呢個吞拿魚拖羅,完全無筋,魚肉肥美,接近入口即溶,加上厚切,真係好好味呀!另外,海膽份量超多,而且新鮮有光澤,鮮甜柔滑,完全唔會有苦澀味!牡丹蝦新鮮大隻,非常鮮甜,肉質膠口!整體嚟講,呢個特上刺身拼盤真係好抵食,絕對唔會失望!

串燒
我哋分別叫咗3款串燒,有汁燒雞腎、鹽燒蘆筍豬肉同汁燒茄子!所有串燒都係即叫即燒,每款都非常惹味!其中茄子係我哋首推選擇,上面有好惹味嘅醬汁,甜甜哋,勁好味;至於鹽燒蘆筍豬肉就帶有少少鹹香,口感一流。

  1. 更多
  1. 本港增4369宗新冠確診 衞生防護中心:疫情已進入平台期
    本港增4369宗新冠確診 衞生防護中心:疫情已進入平台期
    1小時前
  2. 白俄維權人士、俄烏人權組織獲諾貝爾和平獎
    白俄維權人士、俄烏人權組織獲諾貝爾和平獎
    12分鐘前
  3. 【10月7日疫情速報】(19:00)
    【10月7日疫情速報】(19:00)
    45分鐘前
  4. 醫管局下周四起擴展特別探訪安排至急症及專科醫院等
    醫管局下周四起擴展特別探訪安排至急症及專科醫院等
    1小時前
  5. 國慶長假期後 返京市民須持核酸陰性證明上班
    國慶長假期後 返京市民須持核酸陰性證明上班
    1小時前
  6. 大陸軍機鳥瞰台灣 分析認為解放軍蓄勢待戰
    大陸軍機鳥瞰台灣 分析認為解放軍蓄勢待戰
    1小時前
  7. 白俄維權人士、俄烏人權組織獲諾貝爾和平獎
    白俄維權人士、俄烏人權組織獲諾貝爾和平獎
    1小時前
  8. 警拘4名公務員涉串謀詐騙取得「免針紙」
    警拘4名公務員涉串謀詐騙取得「免針紙」
    1小時前
  9. 國泰空中服務員工會質疑航班大減難以取得外站津貼
    國泰空中服務員工會質疑航班大減難以取得外站津貼
    1小時前
  10. 市民入稟高等法院質疑當局廢除「免針紙」的決定違法
    市民入稟高等法院質疑當局廢除「免針紙」的決定違法
    2小時前