0
0
〈好遊〉週末好去處 假日遊吉澳

〈好遊〉週末好去處 假日遊吉澳

〈好遊〉週末好去處 假日遊吉澳

【A&M Diary】今個weekend終於等到好天氣,最啱就係同陽光玩遊戲啦!我哋諗住去離島行吓,不過因為估計南丫島同長洲都會好多人,所以今日就帶A姐去啲冷門少少嘅離島,由馬料水碼頭搭船去吉澳,嚟個週末輕遊啦!

吉澳雖然唔屬於禁區範圍,但以前去吉澳只可以由禁區內嘅沙頭角碼頭(需持有禁區通行證)出發或者跟本地團。依家逢星期六、日及公眾假期就可以坐聲威街渡,由馬料水3號碼頭往返吉澳喇!至於票價方面係大小同價,來回HK$90,單程HK$50。

吉澳面積為2.35平方公里,係全香港面積第十大嘅島嶼,但常住人口不足50人。吉澳島嘅島型好似一個反寫嘅「之」字,所以得天獨厚成為漁船嘅天然避風港,故此命名吉澳,取其吉祥之意。

由馬料水碼頭出發,沿路上除咗會經過印洲塘海岸公園,運氣好嘅話,仲會見到香港地質公園嘅地標:鬼手岩。

經過90分鐘嘅航程,就會嚟到吉澳!步出碼頭,行大概1分鐘,就會嚟到吉澳大街。呢度有兩間餐廳、兩間賣茶粿嘅士多同兩間賣海味嘅舖頭。我哋今日無購物checklist,所以行完返嚟先慢慢買,但如果你哋有心水,可以買咗先,因為唔少手作零食係居民每日新鮮製作,貨量唔多,可能行完就賣晒㗎喇!

吉澳廣場
沿住大街,途經警局同民居,大約5分鐘,就會到達一個仿古牌坊,上面寫住「吉澳廣場」。居民嘅大大小小活動,以及每十年一次嘅太平清醮,都會喺呢個廣場進行。廣場內仲有一粒大大粒嘅白色明珠,可以眺望到中國嘅大鵬半島,旁邊仲有一棵姻緣樹,當然,我同A姐就唔洗再求啦!

吉澳地質教育中心
如果想了解岩石同地貌嘅知識,可以嚟到廣場牌坊旁邊嘅吉澳地質教育中心,中心面積唔大,但入面嘅資料都好豐富,包括有岩石、化石仿製品、標本及吉澳文物。部份嘅岩石更可以親手體驗觸感。教育中心嘅鎮店之寶就係由吉澳村民捐贈嘅天后花轎同服飾。

吉澳天后宮
香港以漁港起家,所以漁民都習慣出海前參拜天后娘娘。吉澳天后宮嘅歷史,就要由乾隆廿八年開始講起⋯⋯樑上面嘅陶公仔係光緒六年製作,全部都有眼無珠,據講係因為驚點睛之後會附有生命,而銅鐘上就會見到刻住「乾隆廿八年」,數一數,厚本已經超過250年歷史。

既然嚟到天后宮,仲要睇睇呢對「鬼佬門神」!呢兩個門神點解會畫到成個外國人咁?據講當日有兩個啹喀兵負責翻新廟宇,喺油漆工程嘅時候,將原有嘅門神蓋過咗,所以佢哋憑記憶同想像,再參考對方嘅臉畫上現有嘅門神。所以呢對門神就唔似中國人喇,門神嘅腰帶亦畫到成隻比卡超咁㗎!

益民茶樓
如果時間充足,可以行埋澳背塘徑,俯瞰吉澳全景。但我哋就忍唔住要醫下肚先喇。

呢到嘅柴魚花生粥同白飯係任食嘅,粥帶有淡淡嘅柴魚香,清熱消熱氣真係一流!

手打墨魚丸係益民茶樓嘅名物,清蒸嘅墨魚丸成粒乒乓波咁大。入面勁多墨魚,加上魚肉、豬肉、蔥粒同陳皮粒,夠晒爽口彈牙,而且味道好有層次。(如果想返屋企都回味,可以外賣係一盒墨魚滑,不過,入面無防腐劑,所以買完要快啲食喇!)

  1. 更多
  1. 政府建議膠袋稅加至1元 目標今年12月31日起實施
    政府建議膠袋稅加至1元 目標今年12月31日起實施
    16分鐘前
  2. 【附連結】67個地方納入強制檢測公告 (10月6日)
    【附連結】67個地方納入強制檢測公告 (10月6日)
    53分鐘前
  3. 泰國幼兒中心槍擊案最少釀38死 死者大部分是兒童
    泰國幼兒中心槍擊案最少釀38死 死者大部分是兒童
    53分鐘前
  4. 【10月6日疫情速報】(20:30)
    【10月6日疫情速報】(20:30)
    51分鐘前
  5. 法國小說家埃爾諾奪今屆諾貝爾文學獎
    法國小說家埃爾諾奪今屆諾貝爾文學獎
    1小時前
  6. 航空機組人員:國泰削四成機師危及香港航空樞紐地位 國泰:航班運力需時逐步恢復
    航空機組人員:國泰削四成機師危及香港航空樞紐地位 國泰:航班運力需時逐步恢復
    1小時前
  7. 所羅門群島強調不容他國在當地設立軍事基地
    所羅門群島強調不容他國在當地設立軍事基地
    1小時前
  8. 日韓指北韓時隔兩天再試射彈道導彈 日韓領袖通電話商朝鮮半島局勢
    日韓指北韓時隔兩天再試射彈道導彈 日韓領袖通電話商朝鮮半島局勢
    1小時前
  9. 醫學會會長鄭志文指政府應檢視整體防疫措施以符合現狀
    醫學會會長鄭志文指政府應檢視整體防疫措施以符合現狀
    1小時前
  10. 社區檢測中心十月下旬推「兩級制」收費 支付240元可半日內有結果
    社區檢測中心十月下旬推「兩級制」收費 支付240元可半日內有結果
    1小時前