0
0
〈好遊〉香港Staycation之選 海景嘉福洲際酒店

〈好遊〉香港Staycation之選 海景嘉福洲際酒店

〈好遊〉香港Staycation之選 海景嘉福洲際酒店

【A&M Diary】近期實在太多抵玩嘅Staycation選擇,睇到人花多眼亂,所以唔少酒店都推出唔同嘅主題,等識玩嘅你玩得更有深度。其中,位於尖東嘅海景嘉福洲際酒店 Intercontinental Grand Stanford Hong Kong 近期就推出咗「情迷威士忌」住宿計劃Malt & Stay Package,令到鍾意飲Whisky嘅M佬大為心動!如果你都對威士忌有興趣,或者好似我A姐呢啲剛入門接觸威士忌嘅初學者,呢個package都好適合你,因為酒店安排咗資深威士忌大使,帶領我哋深入淺出鑑賞同品味威士忌。

洲際行政俱樂部
酒店位於尖東麽地道,由尖東/紅磡港鐵站步行5-8分鐘即可到達,交通非常便利。而我哋今次特登upgrade咗,順便試埋洲際行政俱樂部嘅服務。經過體溫檢測之後,就直接去到位於1樓嘅洲際行政俱樂部check-in,服務員見到我哋,已經提前開門迎接。Check-in過程中,服務員會先了解你嘅入住喜好,仲細心幫我哋安排至下午3點退房。

呢度嘅服務時間由早上6點半至晚上11點,除咗享有尊屬櫃位辨理入住及退房服務之外,當然唔少得嘅就係餐飲服務啦!另外,仲可以免費使用會議室同打印服務,啱晒商務旅客嘅需要。

我哋check-in完之後,首先喺洲際行政俱樂部嘆番個下午茶,下午茶時段供應唔同小食同飲品,其中佢個芝士蛋糕真係好好好好味呀!

另外,我哋都喺洲際行政俱樂部享用Happy Hour,除咗有紅酒、白酒、香檳,仲有唔少烈酒選擇。同M佬望住個海景飲吓酒都夠晒寫意。至於呢般時間嘅食物選擇都唔少,更有熱食提供!

60分鐘威士忌大師班
而今個package嘅重點,當然就係60分鐘威士忌大師班啦!原來酒店嘅Tiffany's New York Bar有超過300款威士忌,由大牌子威士忌到獨立酒廠限量版都有。對於威士忌初哥嘅我,由威士忌大使帶領我哋深入淺出鑑賞同品味威士忌。過程中,大使會安排我哋品嚐三款威士忌,由左至右淺嘗淡至濃嘅威士忌。導師仲會分享每杯威士忌嘅原味道、製作過程,甚至係每個酒廠嘅生產特色。其中大使更提到,味道呢樣野好個人,始終大家飲食文化同背景唔一樣,可能你飲到係西瓜味又或者佢飲到嘅係桃味,但實情原來係無西瓜同桃嘅元素,或者呢個就係威士忌嘅魔力。另外,除咗內在嘅味道,原來威士忌嘅外在都有好多特別設計嘅玻璃樽同招紙㗎!

洲全清潔承諾
疫症期間,酒店加強清潔,公眾地方都放置咗唔少酒精搓手液,去餐廳或行政俱樂部都會有信封或膠套畀你放口罩,非常細心。入客房之前,門口貼住清潔承諾貼紙,表示房間清潔,推門貼紙就會撕開。另外,房間裏面仲有「安心包」,有口罩、消毒濕紙巾同搓手液,真係令你住得安心!

客房區域
至於房間方面,我哋入住嘅係尊尚海景客房,一打開房門就已經俾個海景深深吸引住!正對面就係東區走廊、天后同炮台山一帶,而海景無遮無擋,甚至睇到灣仔會展,以及東面嘅太古城,視野景觀好遼闊,啱晒大家影相打卡!當然,你亦可以拍張床去窗口,影而家最受歡迎嘅港女海景床照啦!

房間好大,活動空間好多,所以床都夠晒大張以襯番呢個大面積嘅房間。呢張床褥軟硬適中,超舒服。另外,呢度亦提供枕頭menu,可以根據你嘅喜好同習慣,選擇一個最適合自己嘅枕頭,真心一瞓上去就瞓著覺喇!

窗簾需要手動調教,但遮光度十足。至於燈光控制喺床邊,配有插頭位,夠晒方便。

房間當然唔少得衣櫃、保險箱、拖鞋同浴袍啦,至於衣櫃內亦放有雨傘、熨斗同熨衫板等用品,夠晒貼心!另外,房間內設有mini bar,除咗免費嘅茶包,仲有capsule咖啡,同收費嘅零食、汽水同酒等。

另外,書檯夠晒大張,啱晒大家進行小型會議或做嘢,我同M佬就喺呢度進行咗一場家庭會議2.0!

浴室區域
浴室唔算好大,但五臟俱全。沐浴用品使用AGRARIA品牌,而其他個人用品都齊全。但我好唔鍾意呢度個浴室磅囉,磅重人嘅(M佬話我肥咗係事實,唔好賴個磅喎)。

泳池及健身室
酒店於頂樓設有露天恆溫游泳池同24小時開放嘅健身中心,不過,近期因疫情下而未有開放。相信望住呢個城市靚景做運動,一定事半功倍。

  1. 更多
  1. 【最新】油麻地佐敦指定檢疫區域再劃核心區 實施全民強制檢測
    【最新】油麻地佐敦指定檢疫區域再劃核心區 實施全民強制檢測
    1小時前
  2. 林鄭:社交距離措施將延長 食衞局下午公布詳情
    林鄭:社交距離措施將延長 食衞局下午公布詳情
    35分鐘前
  3. 油麻地佐敦指定區域再劃核心區 所有大廈納入強檢
    油麻地佐敦指定區域再劃核心區 所有大廈納入強檢
    37分鐘前
  4. 【1月19日疫情速報】(10:15)
    【1月19日疫情速報】(10:15)
    1小時前
  5. 【疫苗知多啲】疫苗的儲存
    【疫苗知多啲】疫苗的儲存
    1小時前
  6. 譚德塞批新冠疫苗分配不均 貧困國家嚴重短缺
    譚德塞批新冠疫苗分配不均 貧困國家嚴重短缺
    1小時前
  7. 據報日本英國計劃下月舉行防長外長磋商
    據報日本英國計劃下月舉行防長外長磋商
    1小時前
  8. 聯邦調查局審查派駐華府國民警衛軍成員
    聯邦調查局審查派駐華府國民警衛軍成員
    1小時前
  9. 特朗普簽署行政命令檢視中國無人機對國安風險
    特朗普簽署行政命令檢視中國無人機對國安風險
    1小時前
  10. 【疫情一年】歌舞群組近百人曾到儷星舞廳 負責人承認警覺性不足
    【疫情一年】歌舞群組近百人曾到儷星舞廳 負責人承認警覺性不足
    1小時前