0
0
〈好遊〉香港邊境禁區自駕遊—大水管、馬草壟、得月樓

〈好遊〉香港邊境禁區自駕遊—大水管、馬草壟、得月樓

〈好遊〉香港邊境禁區自駕遊—大水管、馬草壟、得月樓

【A&M Diary】今日A姐M佬又出發遊車河,嚟到香港最北嘅邊境禁區自駕遊,分別遊走梧桐河、大水管、得月樓警崗、馬草壟警崗、落馬洲瞭望台、美德家塾。今次嚟嘅地方,部份以前係禁區地帶,但由2013年6月10日次階段縮減邊境禁區範圍之後,唔需要禁區紙就可以嚟遊覽喇!如果你係選擇揸車入嚟,留意番呢度好多路段都係單線雙程行車,新牌仔或技術麻麻嘅,我哋就建議你選乘公共交通工具或自己踩單車入嚟啦!

第一站:鴻淘士多‧羅太豆花
嚟到上水河上鄉,第一站就先去鴻淘士多,食碗超滑嘅羅太豆花。

鴻淘士多‧羅太豆花
交通:上水鐵路站乘搭51K小巴於總站鄉公所下車
地址:上水河上鄉快景路

第二站:梧桐河大水管
食完豆腐花,第二站就係豆腐花店旁邊嘅梧桐河同雙魚河交界,河道嘅景色好靚,天氣好仲望到上水同深圳嘅景色。

如果想打卡,就要去到大水管喇!呢條大水管就係深圳東江水供港嘅輸水管道,由於水管建於地面,所以影相嘅線條構圖會好靚,而且旁邊就係上水去元朗嘅鐵路路段,如果撞啱火車經過,影相就更加有味道啦!

梧桐河大水管 Ng Tung River Big Pie
交通:上水鐵路站乘搭51K小巴於總站鄉公所下車
地址:梧桐河及雙魚河交界

第三站:得月樓警崗
得月樓警崗面對住港鐵羅湖站同深圳市,警崗主要用途係防止偷渡客,以及邊境禁區管制嘅用途。如果持有禁區紙就可以行過呢條天橋,大概4分鐘就會去到港鐵羅湖站喇!

睇開喪屍片嘅我哋,見到旁邊呢個圍欄,係咪覺得對面就係一班喪屍呢?當然佢嘅主要任務,就係守護一國兩制,防止啲人偷渡入境啦!但其實,而家嘅一國兩制只剩低所謂嘅邊境禁區。

得月樓警崗 Tak Yuet Lau Police Post
交通:上水鐵路站乘搭專綫小巴51B線,料壆村落車再步行30分鐘
地址:

第四站:馬草壟警崗
前往馬草壟警崗,將會途經料壆村,呢度有唔少村民居住,大家路過嘅時候記住保持寧靜,以免影響居民平常嘅生活。但呢度點解要介紹畀大家呢?因為村口有一個比較乾淨嘅洗手間,如果有需要嘅話,可以作為一個休息站。

如果你哋係坐專線小巴嚟,上車嘅時候可以同司機講聲落車嘅地方,如果唔係就好容易就錯過咗你嘅目的地,小巴只會停喺路口,再行15分鐘上山。如果你係自駕遊或者踩單車,呢度嘅山路比較斜同彎多,上落嘅時候,一定要小心!

上山嘅路段已經見到深圳嘅市景,深圳嘅高樓大廈,全部都一覽無遺。警崗下面,大概可以停5-6部車。行大概30級樓梯,就係山嘅嘅馬草壟警崗,以前主要用途係瞭望台,但聽講而家已經關閉咗。不過,佢嘅外型十足十南北韓軍事重地,簡直係愛的迫降。

而全日最靚嘅景色,就係從瞭望台旁邊嘅山路一直行入去,可以俯瞰落馬洲邊境魚塘,而遠處就係深圳繁華都市嘅高樓大廈景色,形成強烈嘅對比,景觀開揚,風景好靚。

好多人都會選擇黃昏時間嚟到,set定腳架影日落。隨住陽光嘅反射,魚塘由藍色變成金黃色;而深圳嘅市景亦會變成夜景。不過,我哋駕駛技術唔算精深,所以我哋選擇仲有陽光嘅時候回程。

馬草壟警崗 Ma Tso Lung Police Post
交通:上水鐵路站乘搭專綫小巴51B線,馬草壟警崗落車再步行15分鐘
地址:

  1. 更多
  1. 廉署落案起訴區諾軒黃耀明 涉2018年立會補選作舞弊行為
    廉署落案起訴區諾軒黃耀明 涉2018年立會補選作舞弊行為
    1小時前
  2. 【周四答辯】廉署落案起訴區諾軒黃耀明 涉在2018年立法會補選提供娛樂
    【周四答辯】廉署落案起訴區諾軒黃耀明 涉在2018年立法會補選提供娛樂
    8分鐘前
  3. 兩男營運偷拍網站 涉串謀破壞公眾體統被捕
    兩男營運偷拍網站 涉串謀破壞公眾體統被捕
    48分鐘前
  4. 上半年涉加密貨幣罪案近五百宗 大幅上升一倍多
    上半年涉加密貨幣罪案近五百宗 大幅上升一倍多
    50分鐘前
  5. 美國年輕人疫苗接種率低 白宮招攬網紅「谷針」
    美國年輕人疫苗接種率低 白宮招攬網紅「谷針」
    53分鐘前
  6. 日防相指大陸正對台灣形成軍事包圍
    日防相指大陸正對台灣形成軍事包圍
    55分鐘前
  7. 白俄女跑手拒離開日本返國 據報擬向第三國尋求庇護
    白俄女跑手拒離開日本返國 據報擬向第三國尋求庇護
    55分鐘前
  8. 衞生署長者健康中心即日起為會員即場接種科興疫苗
    衞生署長者健康中心即日起為會員即場接種科興疫苗
    1小時前
  9. 【8月2日疫情速報】(11:45)
    【8月2日疫情速報】(11:45)
    1小時前
  10. 【中國評論】內地最低生活保障政策
    【中國評論】內地最低生活保障政策
    2小時前