【Now新聞台】截至早上11點，1小時內《彭博》用戶關注度上升最多的港股，依次為新特能源、中國石油、郵儲銀行(01658)、建設銀行及中國銀行。
新特能源公布業績及公布發行最多1.77億股內資股後股價急插，係咪因為市場擔憂會引發配股定有其他因素？
大華繼顯執行董事梁偉源認為，新特走勢出名波動，有94%嘅內資股由母公司認購，即母公司注資發展在蒙古及新彊等光伏和風電等業務，對新特係好事。
Steven話，投資者唔使太擔心公眾持股量少過25%會引發配股，依家只差2%嘅流通量，即使新特係H股裏面再發新股集資，發嘅新股量都唔多，所以唔使太擔心。
Steven仲話，雖然新特純利勁升逾3.7倍，但仍然少過預期，所以股價急跌。
