【Now新聞台】截至早上11時止，《彭博》系統Top search No.1 為聯想集團、中國銀行、中國神華、濰柴動力及港鐵公司。
聯想今朝一度逆市升逾6.7%，高見7.48元。安山資本資產管理部董事黃志陽話，聯想業績穩定，手機業務舊年第三季賺返錢，數據中心又逐漸成型，所以喺悶市下，突然引起投資者注意。
此外，高鐵通車超過半年，但截止2月底，每日載客量達到政府估算嘅80000人次，只得九日。Jackson相信，數據唔會對港鐵造成太大負累，又認為高鐵業務亦唔會蝕大錢，因為高鐵依家仍然屬於營運初期，加埋人流唔達標會有政府補貼，更重要係港鐵其他業務表現仍然唔錯。
