【Now新聞台】截至早上11時止，《彭博》系統Top Search No.1為中國海外發展，第2至第5位依次為華潤置地、海螺水泥、普拉達及中國恒大。
Top Search頭兩位都係藍籌內房股，宏滙資產管理董事及投資策略總監林嘉麒話，大型內房股估值較為落後，相信潤地同中海外今日升上高位後可以靠穩，但嚟緊都要留意佢哋嘅毛利率可唔可以持續增長。
此外，市傳國家發改委擬調查水泥行業定價行為，水泥股今日捱打，但林嘉麒話，參考去年價格調研後嘅情況，呢類行動似乎對水泥價格影響有限，而水泥股股價亦唔會一插不起，反而可以留意嚟緊水泥需求可唔可以帶動價量齊升。
