【Now新聞台】截至早上11時止，《彭博》系統Top Search No.1為中國神華，第2至第5位依次為中國石油化工、交通銀行、中金公司及華潤燃氣。
神華去年少賺8%至441億人仔，雖然派息比率微升至39.7%，但股價仍要捱打，今早一度插6%，低見18.48元，係半日跌幅最大藍籌。
中國通海證券投資策略聯席總監阮子曦指，由於神華產煤量受國策限制，所以發電主要靠入口煤，成本一定會上升，繼而影響純利，但Harry話，相比呢份業績，神華嘅前景更令人擔心。
此外，有大行話，因為神華同控股股東有金融服務協議，提高派息比率嘅機會唔大，但Harry唔認為協議會影響神華現金流，所以唔使過分解讀。
