【Now新聞台】截至早上11時止，《彭博》系統Top search No.1 為長城汽車，其次為遠洋集團、永利澳門、北京汽車以及中國鋁業。
市傳美國總統特朗普喺上個月初，打電話畀聯儲局主席鮑威爾，正正係聯儲局議息前，最後聯儲局話今年應該唔會加息，同埋預期9月底就會停止縮表，呢啲決定係咪受人為因素影響就不得而知。不過，若以「影子利率」概念去睇，即量度當聯邦基金目標利率降至零水平後，喺量化寬鬆(QE)影響下嘅實際利率水平。
原來「影子利率」喺2014年跌曾至近負3厘水平，即2015年進入加息周期至今，表面上加咗2.5厘，但實際上係加左5厘息，換句話，聯儲局唔加息可能係因為冇加息空間。
