【Now新聞台】截至早上11時止，《彭博》系統Top search No.1 為眾安在綫、海爾電器、萬科企業、華虹半導體及中國金茂。
自2000年金融管理局首次發出《虛擬銀行的認可》指引後，等咗近廿年，噚日終於有三個財團獲發虛擬銀行牌照，最快六至九個月內正式推出服務，估計初期都係做存款同貸款等零售銀行業務。
啲客會揀虛擬銀行定傳統銀行，應該主要都係會睇息口，有好多分析都覺得關鍵在於成本。原來虛擬銀行喺成本上，唔止可以慳人慳地方，連前期IT支出，以至IT維修營運開支同折舊方面，都比傳統銀行低好多。不過，其實傳統銀行都一直有做緊Online Banking，相信虛擬銀行之後會唔會有更新穎嘅服務，先係最大嚿「肥肉」。
