【Viu】宣萱今日以聖誕Look出席活動,大談英國留學嘅趣事,仲大呻自己「永遠」讀女校,去到大學先係男女校,但聖誕Party因為太怕醜而企埋一邊,冇乜男仔邀請自己跳舞㗎!問到會唔會買聖誕禮物畀古天樂?宣萱就話古老闆乜都有,唔知送乜好,仲自爆試過送防盜卡片套畀古生,點知畀對方嫌棄,佢仲取笑其實係古生唔識用囉!
講到叱咤「我最喜愛的男/女歌手」啱啱公佈走勢,宣萱同古生齊齊殺入七強,宣萱直言睇好古生得獎,自己就覺得好癲同好驚,事關自己從來都唔係歌手。不過,宣萱話如果最終真係殺入五強,一定會出席頒獎禮,仲揚言要練定歌添呀!宣萱又話上次同古生一齊得獎已經係1999年齊封視帝視后,如果今次可以再合體拎獎,相信都係最後一次喇!講到對手仲有曾合作《寵物情緣》嘅Sammi鄭秀文,宣萱就話最好破天荒三個人一齊拎,咁就Fat Fat喇!
想知宣萱點回應古生用黑圖拉票?如果去叱咤見到偶像林家謙又有咩部署?睇足本訪問就知啦!
