【Viu】黃德斌、谷祖琳、林愷鈴、「肥腸」徐浩昌、蘇家樂同艾文等今日亮相《8點直樂》，宣傳熱播劇集《Court!》；泳兒同ANSONBEAN則擔任表演嘉賓，場面熱鬧！
期間林愷鈴化身「迷妹」狂讚「阿藍」艾文係天才演員，演出真誠又自帶幽默感，對於自己飾演嘅「馮律師」同樣獲網友激讚，佢就笑認現實中好麻甩，所以要晒「狠樣」爆粗零難度，仲自爆係對鏡鬧自己啤練習添！艾文就話首次演出好緊張，尤其係喊戲最大挑戰，多謝強尼Carry，仲話想繼續做演員，目標係同周星馳合作咁話！
至於肥腸同家樂直言接棒演第三單元勁緊張，事關前面兩個單元大受歡迎，希望唔會拖累大家！佢哋又預告劇中仲有《三命》彩蛋，又話杜Sir有「客串」踢波戲，見到對方即刻超緊張呀！肥腸又簥談老Best阿焉同少爺占撞樣一事，又兜得幾好喎！
而德斌同小谷異口同聲話單元三好Heavy，小谷大呻開工咁多日就喊足咁多日，眼都腫晒！德斌就笑認演死屍架輕就熟，事關初出道㫭成日演，大叔真係巧Funny！
此外，泳兒同ANSONBEAN專誠以Disco Look上陣迎合主題，泳兒仲話想同後生又大隻嘅ANSONBEAN演姊弟戀，識嘢呀！想知更多叔睇足本訪問啦！
