【Viu】電影《我們不是什麼》繼續有謝票場，由導演邱禮濤帶隊，率領AK江𤒹生 、ANSONBEAN、譚耀文出動！AK、ANSONBEAN先後分享同邱導飛去意大利、新加坡出席電影節嘅心情，齊齊話見到好多fans搵邱導簽名；而邱導就爆AK喺意大利喪圈粉，唔知AK有冇袋定幾句意大文同新入坑嘅生粉打招呼？
AK除咗放題式食雪糕之外，仲話有同邱導去魔鬼橋，借啲意向邱導爭取開拍關於魔鬼橋嘅電影，到最後成唔成功？真係開成嘅話搵全班人馬？電影票房暫時衝破900萬，ANSONBEAN曾立flag表示票房過1000萬就會去返戲中嘅茶餐廳同fans互動，佢哋4個仲極速諗定負責咩崗位，超有效率呀！
另外，AK確認加盟港版《悠長假期》，飾演原本由竹野內豐演嘅角色「葉山真二」，佢笑言依家暫時只係知自己演咩角色，早前飛意大利嗰陣有喺飛機重溫日版嘅魅力，唔會諗住跟住copy，而係會諗點樣重新演繹，仲霸氣話當工作去做就唔駛擔心咁多！依家先睇足本訪問！
