【Viu】何啟華（Dee哥）、周秀娜、林愷鈴、陳國邦、張錦程同蘇家樂等今日出席ViuTV原創劇《三命》記者會，再移師戲院首播第一集，Lokman專誠捧場！早排榮升業主嘅Dee哥，笑言睇報道先知自己有一千萬，皆因層樓仲係樓花兼要供嘅，仲話今次係幫阿哥上車，自己冇份住㗎，呢份兄弟情真係唔講得笑呀！講到ERROR兄弟已經睇中個細單位，Dee哥話可以租畀肥仔同193做「精神沉澱房」，但謝絕租畀保錡，點解呢？佢又笑指肥仔同193驚佢供樓供到變「Poor Guy」，Dee哥就爆笑回應喇！
至於曾經係大埔居民嘅肥腸亦舉手想租，莫非真係如老Best阿正所言「好事近」？佢就有好多嘢想澄清喇！仲劇透埋《膠戰》Show嘅進度添！
而分別飾演主角「駱澤信」青年期同成熟期嘅蘇家樂同陳國邦，喺劇中同女演員不乏親熱戲，家樂就直呼羨慕國邦前輩可以同女神娜姐「車震」咁話！
