【Viu】Gin Lee李幸倪成功壓線趕到《CHILL CLUB推介榜 年度推介 25/26》領獎，親手攞到「CHILL CLUB年度女歌手」金獎，受訪時仍難掩興奮，勁hyper還原啱啱喺啟德主場館怒跑情況，真係齋聽都戥佢捏一把冷汗！
CHILL CLUB為今2025年度樂壇嘅最後一張成績表，Gin計埋呢個女金，堅係成為「女歌手大滿貫」，之後會攞晒啲女金獎出嚟影張大合照？又會點慶祝？啱啱喺啟德演出嘅心情如何？Gin透露之前睇草蜢演唱會時已恭喜咗阿Sa新婚快樂！
攞到組合銀獎嘅COLLAR，呢晚7缺2現身，上台時專登同隊長Gao FaceTime，芯駖笑言做代表發言堅緊張，最感激領粉一直支持！Day奪女新人獎，高呼又開心又興奮！
至於Marf一嚟就連攞兩個個人獎，歌曲加女銅雙喜臨門，有double嘅快樂？佢同Winka分別solo演出《烈燄紅唇》、《最後一夜》，向前輩致敬大唔大壓力？五女之後又公開爭取下年COLLAR一齊演出，再加碼搵埋古天樂encore，呢單嘢要集氣啦！而下年就輪到Candy角逐女新人，笑言搵定Day mark定啲金句袋住！
MC張天賦憑《懷疑人生》攞到「十大歌曲」，笑言啱啱畀大會capture到懷疑人生嘅moment，究竟係咩moment令佢有呢個反應？Gareth.T嘅《用背脊唱情歌》再攞歌曲大獎，攞齊各個頒獎禮嘅大獎好surprise？點解會孭背囊上台攞獎？
