【Viu】電影《焚城》family今日又出動啦！Ivana王菀之、阿Dee@ERROR、Jeffrey、Locker林家熙、Louise王丹妮、Wesley黃愷傑、Natalie許恩怡，現身電影主題曲《一世隊友》優先場見面會！席間播MV見6位消防員濕身透胸肌，全場fans即喪尖叫，Ivana事後「長官」上身落order：「出月曆！」勁鬼馬呀！
阿Dee指最近見《焚城》兄弟多過見ERROR兄弟，笑話開心好多，因為唔使再被欺負，似返個人咁呀！咁喺《焚城》group嘅團欺對象變咗邊個？Wesley話媽咪趙雅芝睇完嘅comment係大開眼界，而Locker就笑話Marf睇慣大場面嘅電影，冇特別戥佢喺戲中受傷表現肉赤喎！
講到拍主題曲MV濕身一幕，4子話係認真mode拍攝，想keep返消防員嘅專業，唔想失禮，但當中又形成一份強烈嘅對比！嚟緊Jeffrey就會孖陳蕾、洪嘉豪開騷，佢透露仲係苦練緊將吐口哨絕技融入唱歌當中！談及Jeffrey喺吊威吔花絮片展現雄風，佢竟然係答因為飲得多阿正嘅咖啡所致？
同為演消防員嘅Louise就慨嘆冇得參與唱主題曲有啲可惜，遂向Ivana邀歌畀女子組唱，Ivana咪周身歌債？原來Ivana對着黃金戰衣勁好奇，佢又想唔想試着？Natalie同「爸爸」劉德華對戲又有咩感受？即刻睇足本訪問笑餐飽啦！
