【Viu】電影《焚城》今晚舉行群星首映禮，一眾主演Karen莫文蔚、Ivana王菀之、阿Dee@ERROR、Jeffrey魏浚笙、Locker林家熙、林保怡、謝君豪、王敏德、周文健等晒冷現身！
消防員組代表有阿Dee、Jeffrey、豪哥、Locker，問到謝票嗰陣會唔會着返套消防員裝出嚟？豪哥笑指好閒啫！Jeffrey抵死笑話如果票房過3千萬就再露肩，過8千萬就表演用口噴水兼同時畀fans淋水！咦！濕身誘惑喎！私下鍾意影相嘅豪哥，得戚透露影咗唔少黑圖，會唔會當福利咁公開share先？阿Dee、Locker同前輩豪哥合作又有咩感受？
Karen首次同Ivana拍戲，佢哋指初見面嗰陣有種一見如故感受，Ivana即自薦寫歌畀Karen唱添！呢次亦係Karen事隔19年再同劉華合作，Karen話戲中有唔少崩潰式嗌交場口好爽！唔知開緊巡唱嘅佢會唔會請劉華做嘉賓？
講到兩位女士今次同消防員嗰邊冇對手戲，Ivana鬼馬話其實腹肌經已ready，但自己怕熱啫！談及黃子華自爆因一原因令佢拍唔到《飯戲攻心2》，坦言係遺憾，Ivana又知唔知內情？「阿嫂」林明禎最近出新歌，佢哋又有冇機會crossover？
「M&M」兩位Michael王敏德、周文健繼《月黑風高》後，相隔29年再拍住上，抵死笑話覺得雙方都冇咩變，係廣東話有進步！笑問佢哋會唔會再重影半裸上身嘅相？佢哋秒耍手擰頭嗌肉酸！周文健戲中被Karen摑咗5次有咩感受？另外，李國麟前排遊大英博物館狂嗌「王敏德」，當事人又知唔知？即刻睇足本訪問片啦！
