【Viu】舒淇今晚專程返港出席《香港電影導演會周年晚宴暨年度頒獎典禮》，憑《女孩》奪「新晉導演」，講到被劉偉強爆30年前已耍大牌，舒淇沾沾：「全行都知啦！」咁點解唔多謝老公馮德倫？honey又有冇吉出屋企啲櫃俾佢放獎座？本尊又霸氣爆金句喇！
奪影帝嘅梁家輝自嘲高齡，仍公開呼籲各位導演搵佢拍戲，咁謙呀！都市傳說攞咗影帝影后會冇工開，今晚奪影后嘅Fish廖子妤即笑住請教前輩如行衰運咁點算？家輝笑稱以前都吔唔少蕉皮。
奪「最佳女配角」 嘅Michelle同意老公周醫生腳頭好，幽默話：「要買包包獎勵佢！」「最佳男配角」Alex杜德偉則感性表示，太太係佢一半，所有開心唔開心對方都會明白！另外憑《女孩不平凡》奪「最佳新演員」 嘅鄧濤，而家同AK拍緊新戲，唔知有冇親熱戲呢？想知更多就睇足館訪問片啦！
