【Viu】今晚舉行嘅《香港電影導演會周年晚宴暨年度頒獎典禮》，舒淇首次執導《女孩》就奪「新晉導演」，負責頒奬嘅劉偉強導演介紹舒淇出場時，公開指對方30年前剛合作時已耍大牌遲大到。舒淇上台表示要多謝團隊同合作13部戲嘅劉偉強，但就未多謝老公馮德倫。
梁家輝憑《捕風追影》奪「最佳男主角」 ，Fish廖子妤則憑《像我這樣的愛情》奪影后，佢喺台上多謝團隊嘅同時，亦感謝男友「小野」盧鎮業，so sweet！
曾志偉頒「最佳男配角」俾杜德偉時，佢謙稱現場好多人都唔識，但識Alex因為佢撈咗好耐！而Alex憑《風林火山》奪獎，佢喺台上笑指導演麥浚龍拍攝時同佢有好多交流，但拍完戲就「玩失蹤」，點知Juno突然衝上台，笑C！而憑《再見 UFO》奪「最佳女配角」 嘅衛詩雅，就公開自己8個字電話號碼，呼籲各位導演繼續搵佢拍戲。
壓軸係古天樂頒「最佳電影」俾《再見 UFO》，佢先問做MC嘅Lokman同談善言使唔使講嘢？然後就笑指：「呢年因為要宣傳《尋秦記》，未試過講咁多嘢！」想感受現場氣氛，就入嚟睇實況片啦！
