【Viu】《毒舌大狀》噚喺旺角酒樓舉行千人慶功宴，宣布票房已經衝破8000萬，Dee哥何啟華化身「找數真漢子」，邊晒舞技邊除褲，仲驚現行運紅底橫；謝君豪就獻唱《南海十三郎》，寶刀未老㗎！
受訪時，黃子華自爆同林保怡為票房輸賭一餐飯，自己估有5000萬，對方就估8、9000萬，兩人都好有信心票房破億，仲希望原班人馬再合作。講到子華神同林海峰嘅舞台劇一票難求，佢大呻自己都一身飛債，無力償還，同朋友講「冇」都講到唔好意思呀！
此外，君豪哥同樣想原班人馬再合作，最開心係吸引到觀眾入戲院睇戲；王丹妮慶幸成為「票房保證」，《梅艷芳》同《毒舌》都咁收得，笑言露肉找數嘅尺度已經差不多到背脊喇！
