【Viu】Jer柳應廷@MIRROR今日現身《KINTSUGI》簽唱會，仲現場演繹《記憶倒行》、《今繼》，hot爆商場！Jer呢隻黑膠碟僅限量出1120隻，代表本尊生日數字，好有紀念性！
Jer又預告5月嘅亞博騷《Jer Lau “The Shade of Breathing” Live 2026》，rundown一定會加新歌，保證呢個2.0比1.0更好睇。咁身為隊中嘅「跳舞擔當」，今次會唔會技癢跳返兩嘢？金Jer仲話已諗好一個「非常之surprise」嘅嘉賓，成功請到嘅話自己都嘩一聲，喂呀好想知呀！
講到MIRO fan meet，Jer霸氣話扮花，咁cute㗎咩？另外噚日喺《再見UFO》宣傳現場以咖啡樽襲擊衛詩雅、黃又南嘅女狂迷今日都有嚟踩場，不過就未有搞事。Jer就話唔知發生咩事，所以冇驚，最緊要大家安全啦！想聽Jer今日有幾開心仔，入嚟睇訪問片啦！
