【Viu】《MIRROR 7th Anniversary - GAME of MIRROR：閃避球挑戰賽》喺今日晏晝完成第3場，藍白兩隊出場時繼續型爆！經過3日賽事及多項競技遊戲積分，藍隊嘅Lokman、姜濤、Edan、 Alton、Frankie、Stanley以7分反勝5分嘅白隊成為全場總冠軍，而白隊嘅AK、Anson Lo、Ian、Jer、Jeremy、Tiger就係全場總亞軍，人人開心！藍隊6子超興奮咁跳晒舞，主持小儀提佢哋要搵代表捧盃！
「王勁」Alton榮獲全場最有價值球員、藍隊最有價值球員，AK就係白隊MVP。Alton好快就po出自己喺後台拎住獎盃嘅相，並指：「蓋一個閃避球樓 - 好玩！」唔少蛋白粉都留言恭喜佢。「神射手」就係AK、「閃避王」係敏捷靈活嘅Alton，而得到「復活王」美譽嘅係Jer、Ian。
而MIRROR官方IG亦po出12子喺後台做熱身準備出場嘅片，個個都有姿勢有實際，記得睇埋現場實況片啊！
