【Viu】Yoga林宥嘉 x Jer柳應廷嘅一連兩場啟德騷今晚開唱！「睇騷之鬼」Jeremy孖大表哥Stanley特地到場欣賞，臨行埋位之前企定定放題式揮手派合照，好nice！
甫開騷先係Yoga同Jer嘅crossover部分，一嚟就唱廣東歌《神愛世人》！見Yoga喺樂手堆中升上台，而Jer就喺T台嘅盡頭現身，兩把靚聲合體無得頂！齋合唱一首又點夠喉呀？直落送上《感同身受》 ，唱完佢哋仲嚟個愛的抱抱！之後Yoga用廣東話打招呼，話好耐冇嚟香港見大家，又幽默叫大家enjoy今晚「三位同學加一位前輩」嘅演出！
緊接就係Jer嘅私心cover part，其中兩首歌分別揀咗偶像Yoga嘅《我不是神，我只是平凡卻直拗愛著你的人》、老best吳林峰嘅《俄羅斯套娃》 嚟挑戰，唱出不一樣嘅感覺，但一樣都係咁正！事後Jer仲成功召喚吳林峰出嚟，將舞台交畀老best帶嚟《感謝曾出現在你的生命》！
至於個唱另一嘉賓側田就唱咗經典金曲《好人》加新歌《Old Boy》，佢話都係第一次睇住MV咁唱新歌，喺MV入面見到側田細個嘅得意樣，留有頭髮兼戴住眼鏡，亦有唔少畫面都見小側田攞住支咪唱歌，注定大個做歌手！
去到個唱嘅後半part，Jer換上另一套靚衫，同老best吳林峰合唱《月居人》，呢個對唱version堅係世一！最後Yoga x Jer x 側田 x 吳林峰晒冷出場，合唱《男人KTV》 作結！側田唱得興起，提議4人組隊新Boy Band，Yoga 9秒9就諗到叫「My Husband」，寓意做fans嘅老公？即刻去片聽歌啦！
