【Viu】MIRROR小組團綜《四鏡大暴走》壓軸登場，由「鷹小組」Ian、Jer、Stanley同Tiger帶領觀眾體驗地道香港文化，仲同「世一」運動員、傳統手工藝工匠交流，將「香港精神」發揚光大！
四子當然要輪流分享拍攝難忘事，Ian仲搞Gag今次受到「綜藝之晨」眷顧，事關每日都開好早；Stanley就自爆撚蛇時嚇破「巨龍」膽，但都唔及同「柳花旦」學大戲時咁驚嚇。Ian同Tiger都認同最暴走係學大戲一幕，仲踢爆Tiger飆高音飆到青筋爆現，笑爆全場呀！
除咗拜師學藝，鷹小組都歎咗好多地道美食，想知點解Jer講肥牛經時笑Cry？Tiger同菠蘿有咩淵源？Stanley冒咗咩生命危險？Ian又公開爭取做咩Item？睇訪問就知啦！
