【Viu】Yoga林宥嘉 x Jer柳應廷順利完成兩場啟德騷，惟Yoga突然身體不適未有受訪，而Jer臨尾喺台上都有關心Yoga，佢話都好擔心，好彩Yoga未有影響演出！所以最後派出Jer x 「玉樹林峰」Wilson吳林峰呢對老best做代表，暴走對話笑爆嘴！
Jer笑言估唔到Wilson比佢大汗，叫fans如果影到Wilson嘅狼狽爆汗fancam可以做sticker！Wilson坦言第一日堅係緊張，對被側田讚多功能，身兼歌手、和音、樂手多職，佢話係好enjoy！Jer都話既開心又緊張，同3位高手合作有遇強愈強感覺！
呢對老best更成就解鎖同側田crossover，勁hyper大談當年參加歌唱比賽往事，有冇獲得名次？Jer指同側田合唱《運》係即興嘅，大家都係隨性嘅人咁話！至於尾場加唱《狂人日記》、《人類群星閃耀時》，Jer承認係mon post之後嘅決定！對林宥嘉大爆佢騷前極用心度rundown，Jer話雖然最後冇被採用，都期待有機會再合作！咁「My Husband」係咪真係出道？叫fans做「太太」先？
提到有柳炒專登出post叫Jer小心個台有凹凸位，佢自爆的確有一下扭親條腰，堅係變咗「扭」應廷啦！大家覺得呢個gag值幾多分？而佢最近飛冰島除咗拍MV之外，仲有拍戲呢個重要任務？一講到欣賞極光放題，Wilson忍唔住爆笑發言，差啲令場面笑到失控！
另外，Wilson宣布2026年回復自由身，前公司SUNNY IDEA無預警下消失，佢表示雙方冇金錢瓜葛，知道一班前同事正面對結束公司問題，未有多打擾！依家去片睇足本訪問！
