【Viu】黃文標今晚現身首映禮，提到識咗30幾年嘅摯友游颷日前突然因腦出血離逝，標叔叔表示事出太突然，自己都好傷感。佢憶述事發經過，指臨收工嗰陣游颷話想介紹個客畀佢認識，點知游颷講唔夠5句就趴咗喺張枱標晒汗，最後要求標叔叔幫手call白車入院。標叔叔坦言事前唔覺游颷有任何異樣，稱對方入院後就陷入半昏迷狀態！
老友離世後標叔叔話諗返起好多回憶，而依家最擔心、最急切處理嘅係11歲嘅「游菜」游鎧玥，又指游太好堅強！雖然游颷未有留下遺言，但標叔叔話相信老友唯一意願係搞好間公司，公司之後會架構重組。古天樂知道噩耗後都有主動表示幫手。早前標叔叔表示會就手震問題睇醫生，佢透露確診患初期柏金遜，行動方面都慢咗好多，會食藥醫治，多注意身體健康！
米雪、雪梨孖一對仔女徐偉棟、Erica徐頴堃，首次一齊溫馨受訪！徐偉棟、Erica有冇喺農曆新年帶另一半返屋企拜年先？雪梨對一對仔女搵另一半有冇要求？年齡差緊唔緊要？點知米雪大爆Erica搵對象好挑剔，係咪真有其事？
講到雪梨日前上翁靜晶網台節目訪問，大談圈中黑暗面同潛規則！佢話冇諗過有咁大迴響，對大爆曾醉酒被電視台高層非禮，雪梨揚言唔講得係邊個：「死人㗎！」
前女團MVG成員Ivy周曉彤突然喺社交平台爆seed，鬧爆前度Roy周永恆係「世紀賤男」兼大話精！今日受訪承認喺去年9月曾拍拖一日，一直復合又分手，拖拉至過去嘅星期日！究竟呢段「象徵式鍾意」嘅戀愛有咩內情？Roy係咪真係被Ivy搞到變gay？Ivy點被「恐怖情人」Roy騷擾？想知就睇足本訪問！
