【Viu】「盤兒」林峯呢日再同兩位「母親大人」雪梨、姚瑩瑩合體，雪梨指再見返「盤兒」，覺得佢氣質唔同咗，之前仲喺網上面見到佢跳櫈舞，驚覺盤兒條腰咁柔軟！至於姚瑩瑩就話開心見盤兒成家立室，大個仔啦！
對古天樂指「三弟」劉嘉龍係由盤兒搵返嚟，林峯抵死笑話古老闆一直都冇問佢，所以直到近期先爆話有聯絡電話！林峯突變「尋人處」，專幫手尋人，唔知佢會唔會搵埋「趙高」王偉樑呢？
首次參與電影宣傳嘅蔡一智，爆《天命最高》會有賀年版version，學林峯話齋，各大商場喺新年播呢首歌！笑談古天樂話搵阿智演「萬良」係貪佢長頭髮有古裝feel，阿智笑話慳返假髮錢，仲自嘲喺戲入面先係「私縮」！佢又指因為拍《尋秦記》而愛上騎馬，希望完演唱會再pick up返呢個興趣！草蜢演唱會搵唔搵古生做嘉賓？
黃文標話開心見到「三弟」劉嘉龍，又話本身聽聞三弟變肥，點知真人係咁瘦！另外，對網民留意到佢左手手震，標叔叔派定心丸指排期睇腦神經科中，暫時未知發生咩事，但佢話唔擔心，揚言「生死有命」！熱辣辣送上足本訪問！
