【Viu】電影《尋秦記》上映唔夠半個月，港澳票房就已經衝破6000萬，果然係猛料呀！「滕翼」黃文標喺戲中繼續孖「項少龍 aka 哎呀大佬」古天樂拍住上，佢話同尋秦記family雖然私下好少聯絡，但一聚返埋一齊個感覺即刻返晒嚟，自爆獲古老闆、「WTF」宣萱、「寶兒」朱鑑然輪流送暖，超warm！
古天樂由25年前嘅小生，搖身一邊受萬人景仰嘅古老闆，標叔叔透露拍電視版嗰陣就覺得古生必成大器㗎啦，堅係有眼光呀！唔知標叔叔拍電影版最難忘係咩場口？呢位「耶蘇」又接唔接得住項少龍啲爆肚？
標叔叔憑住一把signature嘅鬍鬚，被封為「御用收數佬」、「御用惡人」，但原來初入行嘅5年，標叔叔係冇留鬚㗎喎！咁因咩解究令佢keep住鬍鬚look？怕唔怕被定型？
27歲先入行嘅標叔叔自認唔係做「男一」嘅材料，但係佢覺得唔緊要，樂觀指做「綠葉」嘅好處係可以連跑幾個廠，寓工作於娛樂！佢話最長試過連通三日頂冇瞓過，最後搞到發生嚴重交通意外之餘又捱出肝炎！
