【Viu】《全民造星VI》男團ZPOT今日正式出道，7位成員揭盅！Alvin、Bosco、Dave、Gordon、Hannz、Marcus、Cow以新Look登場首唱新歌《ZPOTLIGHT！》，仲公佈Fans名叫「Light」，又不斷派福利，場面熱鬧！
ZPOT分享出道心情，仲預告之後會以小組形式「分拆上巿」，超多面向！年僅18歲嘅Alvin高票當選隊長，自爆任務係幫隊員執手尾，茅頭直指Hannz。而副隊長Dave就一改招牌中分Look登場，笑認同Gordon撞樣，又澄清網上緋聞係流料，自己目前單身。問到會唔會視師兄MIRROR為目標？佢哋話先做好自己，亦有留意網上各種批評同質疑，希望之後用作品說話！
至於強尼再見證《造星》團體出道感觸良多，又親解喺總決賽「舌戰」古天樂之謎，到底「穿越」係跟稿定爆肚呢？睇足本訪問就知啦！
