【Viu】張繼聰、Kay謝安琪、Will柯煒林、鍾雪瑩、童童@小薯茄、「泰妹」楊雅文今日出席《第22屆香港亞洲電影節開幕禮》開幕電影《世外》隆重首映。聰Kay表示同編劇Polly份熟好友，所以義無反顧支持，Kay講到電影幾經波折終於上映仲眼濕濕添！笑問簽6位數支票為《金童》埋單時，會唔會仲感觸？Kay就大放閃光彈撐老公，仲讚阿聰無論咩身形都咁正！
聰Kay又話去台灣配音時，Kakaball有跟埋去，仲沉迷夾公仔，好彩當地有「良心夾公仔機」先冇破產。佢哋又爆Kakaball已經相約朋友仔齊齊組女團，如果將來真係出道的話，自己一定會買「水軍」反擊Haters，唔畀囡囡受傷害，搞到Kay呷醋，笑爆全場！
