【Viu】「張氏夫婦」張繼聰、Kay謝安琪恩愛現身《第18屆亞洲電影大獎》紅地氈，並準備擔任頒獎嘉賓，佢哋透露會頒「最佳原創音樂」，又表示睇好老友朱栢康繼續攞最佳男配角，阿聰仲笑言希望朱康攞獎嘅話做兩件事！至於當時人朱康亦對再下一城超有信心，心情靚爆喪晒韓文！
講到張氏夫婦日前睇鄧麗欣紅館騷，阿聰超大膽當住老婆Kay面前讚Stephy靚女，Kay有冇呷醋先？噚晚擔任Stephy演唱會嘉賓嘅MC張天賦，獲贈靚呔做禮物，更重現電影《我談的那場戀愛》近距離打呔經典場景，再次搞到怕醜仔MC隻耳仔紅晒！MC搞笑話將條呔放落保鮮袋收藏好，確保keep到陣Stephy味呀！MC驚唔驚收刀片㗎？
MC又講到呢次係首次任電影頒獎禮嘅頒獎嘉賓，沾沾笑話喺後台已集一影帝合照！至於問到有冇問候吳君如喪父？MC指暫時未有接觸，之後會再message君如慰問。
另外，氣質女神湯唯同韓國「不老男神」張東健齊齊獲頒「卓越亞洲電影人大獎」，湯唯受訪稱好開心，期待可以拍香港電影！曾喺《百賞藝術大獎》同金秀賢合照嘅湯唯，稱同對方唔相識，所以冇留意金秀賢近日嘅報導。
