【Viu】《生啤盃籃球明星賽》星光熠熠，連休息時間嘅節目都好豐盛，除咗星級觀眾Day@COLLAR、Kim@ROVER同Jason@ROVER專誠為隊友打氣外，「張太」Kay仲「踩場」挑機，先問姜濤Fans喺邊？之後大大聲指住自己話：「張繼聰嘅Fans喺呢度！」其後又笑言Stanley下次嚟自己屋企食飯時，一定會落瀉藥，為老公阿聰報仇，兇狠得嚟又sweet呀！
至於Fatboy打完上半場就「秒變」表演嘉賓，同「金牛啦啦隊」一齊又唱又跳，原來Brian陳安立太太林希靈「隱身」喺啦啦隊當中，為老公獻出跳唱第一次，巧感人呀！
