【VIU】Kay謝安琪今日以2010年傑青身份，出席「十大傑出青年選舉2024」活動，佢身穿小deep V嘅連身白長裙，既性感又散發滿滿嘅仙氣！講到女神又fit咗，佢冧笑話係「愛的見證」！事關老公張繼聰近排為新電影角色再操弗，Kay初頭見到張先生每日都咁努力做運動，有肉赤嘅感覺，其後更決定做跟得夫人一齊操，暫時兩公婆分別都瘦咗10磅，掂呀！
張先生早前出post自誇減磅後可以着返舊時啲牛仔褲，點知一山還有一高！Kay唔抵得張先生咁囂張，自爆依家着得落中學條牛仔褲，睇嚟呢場battle暫時係女神Kay勝出喎！雖然贏咗場仗，但絕對冇影響頭家，Kay怕醜話見到老公副靚偈，都忍唔住心心眼，仲大聲示愛：「愛佢多咗！」超肉麻呀！
不過談及有網民見張繼聰晒爆肌相後留言，抨擊佢應該低調行事，唔應該分享過多，及後張繼聰平靜反問：「咁我應該分享啲咩呢？」Kay就事件代老公回應，指佢哋好尊重每位網民，亦話張先生好鍾意同網民互動，係有益身心咁話！另外，歐倩怡、郭晉安近日宣布離婚，歐倩怡相約Kay high tea，Kay指對方心情ok！喺訪問入面，Kay仲預告今年大計，幾時出歌？會唔會培育Kakaball做接班人攞傑青？訪問有得睇啦！
