【viu】張氏Family除卻囝囝張瞻，張繼聰、Kay謝安琪同埋囡囡KaKaBall張靖，首次以三人行出席event，講到KaKaBall嘅酬勞，兩公婆笑話囡囡有20蚊同玩具金幣咁就心滿意足啦！又話之後唔排除再以三人行接job，但如果加埋囝囝張瞻四人行就唔會啦，因為張瞻對幕前零興趣，會尊重、極力保護囝囝！
阿聰下個月就去澳門開巡迴演唱會，佢話會嗌埋一家大細去支持自己，又透露今年絕大部分時間都會做「空中飛人」，希望屋企人都可以飛嚟探自己，更抵死形容似去動物園探動物！咁啱MIRROR都舉行緊巡迴演唱會，帶埋「鏡粉」KaKaBall一齊飛？阿聰又即刻呷醋？
啱啱過咗47歲生日，壽星女Kay冧話今年收咗份好正嘅生日禮物，就係張生自發宣布戒煙，枕邊人即刻成個fresh晒！唔知係咪想考驗張生嘅定力，Kay話要成立舉報熱線，咁有冇懸紅㗎先？榮升健康新人類嘅張生又會唔會出trick？Kay生日願望又係咪想攞影后？另外，想聽阿聰講車經嘅、想知佢點自製road trip、點樣揸車提升個人修為？即將18歲嘅張瞻可以考2個轆定4個轆？足本訪問火速送上！
