【Viu】「Do姐」鄭裕玲今日孖韓國大勢男團SEVENTEEN成員MINGYU金玟奎，現身咖啡品牌代言活動！幾千位Carat塞爆商場6層樓，呢個畫面何其壯觀！Do姐對住門面、身高擔當嘅MINGYU即刻心心眼，更一嚟就自肥影合照，羨慕死全場Carat啦！期間Do姐教MINGYU講廣東話，頻頻惹Carat尖叫！
Do姐話都係第一次見MINGYU真人，大讚對方又高又風趣，而且語言、表演能力都勁強！講到上年同場合孖車銀優，Do姐話兩個都令佢冧豬，又勁貼地咁話知道男神入伍負責洗碗添！唔知Do姐月尾會唔會去睇SEVENTEEN演唱會？會唔會邀請佢哋上《The Do Show》？經過今日之後，Do姐個IG following list會唔會有更改？
嚟緊9號就係Do姐嘅生日，早前見佢同六美一齊慶祝生日，Do姐話份友誼keep到依家好難得！佢又話見到宣萱任林家謙紅館尾場嘉賓，下次聚會要叫對方高歌一曲！至於講到老best黃子華近日突傳緋聞，Do姐又知唔知情？想知就睇足本訪問啦！
