【viu】「Do姐」鄭裕玲又追星成功！今日孖韓國男神車銀優一齊出活動，再次近距離見到男神，Do姐大叫好開心，讚車銀優成熟咗、又貼心，因為專登同佢夾着咩衫，企埋一齊襯到絕一絕呀！
不過就因為時間緊迫，Do姐話冇得喺後台同男神講多兩句！提到Do姐喺台面教車銀優講「我最鍾意你」，佢話聽到呢句好鬼冧，呢一切係咪自肥㗎？唔知Do姐又會唔會follow男神嘅IG呢？
嚟緊9月9日就係Do姐嘅67歲生日，佢話唔會開生日party，不過Do姐透露會有特別企劃，要先賣關子！至於生日願望佢就希望身體健康！另外，Do姐日前同Dickson余德丞拍廣告，有幕係Dickson抱起Do姐，Do姐指Dickson係運動員，臂力都有番咁上下，又話都有諗番起當年同林子祥拍電影《三人世界》嘅片段！
