【Viu】「Do姐」鄭裕玲今早現身惜水嘉年華，笑話曾經歷制水時期，所以更會特別珍惜水，Do姐仲同大家開心share慳水tips添！早前Do姐預告自家channel好快就會有旅行團片，果然係真㗎！噚日已經有首站斐濟片睇啦！Do姐大讚當地天氣好，堅係全球最快樂嘅國家，依家睇返都有啲心郁郁想去住返一排！
話晒第一次去斐濟，所以Do姐話全程都好難忘，喺呢個trip仲可以同港隊足球成員傾偈，佢又指可以喺現場睇波嘅感受的確係寧舍唔同！Do姐預告下站就會係去歐洲某地方，再之後就未計劃啦，或者走一趟非洲睇動物大遷徙都唔錯！早前Do姐率先去主題樂園探兩隻熊貓、金絲猴，身為四川人嘅佢搞笑話係當去探鄉里！
另外，Do姐上次受訪透露過約緊姜濤受訪，事關對方將有新搞作，而呢日Do姐再漏多少少口風，原來受訪嘅唔止姜濤一個人，仲叫大家密切留意逢星期二嘅電台live！真係好期待呀！
