【Viu】商台的903籃球賽今晚舉行，「歌星勇士隊」同「九零三人隊」輪流進場，各出奇招搶鏡，先有陳健安將籃球當波踢，再有ROVER合力抬起Jason入球，場面搞笑！適逢今日係小儀生日，大會仲播出中式生日歌賀壽，可惜壽星女係入唔到波嘅！
「宇宙天團」ERROR進場時全場歡呼，壓軸出場嘅MIRROR更加令現場觀眾叫聲震天，16子仲不時同Fans揮手，相當寵粉！
最後鄭裕玲（Do 姐）擔任星級嘉賓為兩隊打氣，仲將籃球交畀上屆 MVP 姜濤，為賽事揭開序幕。大合照時，姜濤同友台嘅Aska張馳豪握手同傾偈，學姜Admin話齋：「打波嘅都係好人！」籃球無分國界嘅！
