【Viu】「Do姐」鄭裕玲今晚現身品牌活動，指私下衣着走simple路線，平時都係網購多，而每逢轉季都好enjoy斷捨離！提起《破·地獄》導演陳茂賢話想搵Do姐同黃子華拍戲，Do姐又點睇？會唔會應承？Do姐坦言不時都會收到劇本，但暫時未有劇本係專屬佢同子華神、或係「賭神」周潤發！
早前Do姐訪問子華神，佢話要感謝子華神咩都肯講，唔知佢又有冇再私下八子華神拍唔到《飯戲攻心2》理由？Do姐曾預告自家channel會推旅遊片，呢日佢劇透第一站就係斐濟，Do姐仲去咗邊度玩？如果有機會再同5大男神林家謙、應智越、洪嘉豪、Tyson Yoshi 、Jeffrey去旅行，Do姐又會點揀？
另外，Do姐喺日前《903籃球賽》主持開球禮，佢話由佢交個波畀上屆MVP姜濤好有意思，見到Do姐同姜濤咬耳仔，唔知佢哋講咗啲咩？Do姐仲爆咗嚟緊會約姜濤做訪問，因為話姜濤會有新搞作，omg，真係好期待呀！
