【Viu】大型戶外音樂嘉年華《ImagineLand 2025》，連續兩日喺香港文化中心露天廣場舉行！打頭陣現身嘅有「皇后」Ivana王菀之，話知道出面落住微微細雨都擔心班fans要淋雨，一上台見到全場仍然企滿人係超high！
雖然紅館騷都完成咗個幾月，但皇后直言仲有好勁嘅完騷後遺症，除咗喪loop住啲表演片段，佢更立志要做返gym，抵死笑話好彩教練都仲肯聽佢電話！會唔會嗌埋老公仔一齊做運動先？
最近有網民驚覺張敬軒同白雪公主撞樣，引嚟瘋狂改圖超爆笑，皇后更被改埋一份做黑魔后添！變身黑魔后嘅Ivana笑話未試過同一張相收過百次，第一個send畀佢嘅仲要係遠在美國嘅哥哥，咁唔知「黑魔后」睇到張相有咩感受？Ivana話冇同軒公私下討論過，但覺得對方係樂在其中，遲吓有冇機會搵埋關智斌拍返條港版白雪公主？點知Ivana玩爆料，直指軒公未曾搵佢做嘉賓拍片，咁大鑊？
Ivana透露正如火如荼咁排練緊舞台劇《SUCK樂園》，「卵之只」再度合體有咩笑料？同AK@MIRROR、童童@小薯茄對戲好surprise？皇后亦首度公開談摯友方大同離世感受！
接住Ivana出場嘅係仙氣女神Cloud雲浩影，話咁快聽日就係CHILLCLUB頒獎禮，未知女神揀好靚衫未？但佢話未有諗住爭衣服裝獎，繼而推舉兩男子爭獎，真係畀佢笑死！定疊埋心水推女歌手獎先？另外，雲姨呢期頻亮相網台節目，最新同藍仔頭「拍拖」有咩趣事？有機以外援身份加入《造星VI》導師團？想知就拿拿臨睇足本訪問啦！
