【Viu】林明禎、Sammy沈震軒、Helen譚凱倫同Amy Lo等今日出席《全城狗狗行善日》，明禎BB雖然冇帶愛犬同行，但就吸引咗成班「單身狗」圍觀，仲為咗女神扮狗吠，笑爆全場！明禎大讚Fans風趣幽默，自己最鍾意收到Fans手寫信，又自爆小學3年級已經收到第一封情信，靚女果然有著數呀！
至於Sammy帶同愛犬Easy同行，仲爆女友陳欣妍同Easy爭寵，搞到自己要提高求生意識呀！對於早排嘅Uber風波，Sammy坦承考慮不周，依家已經冇再揸，專注健身室生意。
此外，Helen帶同愛犬Mit Mit現身，仲話愛犬都有睇自己喺《三命》嘅激情戲，搞到自己好怕醜呀！想知拍攝現場有幾激就睇足本訪問啦！
