【Viu】MIRROR喺《CHILL CLUB推介榜 年度推介24/25》成為大贏家，開心就梗㗎啦，估唔到訪問仲解放咗「舞王Jer」嘅舞蹈魂，即席模仿西川貴教嘅台風，其後12子又迫大表波「用心口說話」，笑爆全場！講到同Kelly合唱，MIRROR坦承係成就解鎖，仲即席應承12個齊齊做Kelly演唱會嘉賓添！
至於舊愛超酸結婚，Alton大方回應，Lokman仲激動到「生鬚」咁話，12子又高呼要將某成員生日定為法定假期，係咪好想知點解呢？
此外，ROVER連奪「年度組合新人」金獎同「年度樂隊」銅獎，佢哋笑認估唔到，尤其係喺一班前輩面前拎樂隊獎真心唔好意思呀！想笑餐飽就睇足本訪問啦！
