【Viu】天后Kelly陳慧琳同日本教主西川貴教今晚擔任《CHILL CLUB推介榜 年度推介24/25》表演嘉賓，Kelly坦言同MIRROR、COLLAR及Fatboy齊齊表演《失憶周末》超震撼，加上人馬叠叠，笑認有「扮吓」大家姐嘅感覺，仲放風邀請MIRROR 12子齊齊為自己嘅紅館騷做嘉賓添！
講到日前以垃圾婆造型驚喜現身《贖夢》謝票，Kelly直言超好玩，又親解垃圾婆造型係由名師奚仲文設計，心思思留返萬聖節再玩過呀！講到「蔡辛強aka張家輝」最近重返樂壇，Kelly都話想請「菜芯強」做嘉賓，又自認有戲癮，好想拍喜劇！
此外，西川貴教受訪表示原本擔心香港歌手未必認識自己，估唔到一齊合作嘅氣氛咁熱鬧，如果有機會都想嚟香港開騷見港迷呀！
