【Viu】人稱「德哥」嘅「金牌監製」潘嘉德縱橫電視圈超過40年，打造咗無數膾炙人口嘅劇集，今次首度為ViuTV原創劇《老是常出現》做監製，成功Call齊一班老友記開工，再次妙用「以老帶新」嘅方法點石成金，透過「老戲骨」劉江、張雷同米雪，以及「新生代」陳湛文、ANSONBEAN同Hillary嘅碰撞，迸發無限火花，備受網友熱捧！
德哥激讚台前幕後創意十足，拍攝過程愉快，仲開心share咗一個小秘密，就係劇組原本係想邀請德哥客串張雷嘅角色「木村」，嘩嘩嘩！咁好玩點解德哥唔應承呢？當然要等本尊親解啦！
畢業於第4期藝員訓練班嘅德哥，同著名導演杜琪峯係同學仔，多年嚟友情深厚，亦因此客串過唔少杜Sir嘅電影，想知德哥同杜Sir相處有咩趣事？又激讚邊位男神係「百份百小生」？Loop爆呢個專訪就冇走雞喇！
