【Viu】胡子彤同German張文傑繼《九龍城寨之圍城》後，再喺賀歲片《臨時決鬥》飾演同門師兄弟，仲分到同「師傅」古天樂、「師母」梁詠琪有對打戲，壓力當然唔嘢少啦，German仲因此拉傷，陰功豬咯！
俗語有云：「Friend過打Band！」但套用喺子彤同German身上，就應該改為「Friend過做Gym」喇！兩子仲想集齊圈中一班大隻仔包括Tyson、Jeffrey同Locker等拍返套《健身室風雲》，嘩！聽到都心心眼，真係唔使急最緊要快呀！
講到去年人氣急升，「子彤BB」同「German BB」坦言有Fans應援係全新體驗，多謝大家出心出力，亦承諾會毋忘初心，繼續做自己！身為好兄弟，子彤同German當然要送上祝福，估唔到竟然篤中子彤BB嘅淚點，仲講到眼濕濕，想睇Cute Cute嘅子彤同German就loop爆呢個專訪啦！
