【Viu】日本新世代人氣女團櫻坂46今日喺中環海濱為Clockenflap演出，吸引大批buddies嚟朝聖，現場氣氛high爆！
15女落力跳唱，先帶嚟《承認欲求》、《何歳の頃に戻りたいのか？》，聽到buddies出盡奶力應援！然後佢哋一字排開用廣東話同buddies打招呼，其中藤吉夏鈴更大叫：「你哋好正，多謝！」真係好可愛呀！接住佢哋跳唱《BAN》，而最後嘅一首歌係新歌《I want tomorrow to come》，順利完成首次喺香港嘅演出！
騷後其中5位成員山崎天、藤吉夏鈴、田村保乃、山下瞳月、森田輝喺後台受訪！佢哋指噚日先嚟現場視察環境，今日一上台見到台下buddies數目係比想像中多4、5倍係勁開心，大讚香港buddies超級熱情呀！其實唔止buddies夠high，成員亦點名大讚山崎天勁識炒熱氣氛，有請山崎天再即席示範！
早前山崎天、藤吉夏鈴做代表嚟香港宣傳，有同MIRROR嘅AK、Jeremy，仲有COLLAR嘅Day、Candy拍dance challenge片，佢哋興奮讚kawaii，仲話收到COLLAR嘅新碟好震驚，點解嘅？
另外，櫻坂46上星期喺千葉開騷慶祝出道4周年，邊個moment令佢哋最難忘？嚟緊會唔會多啲國外演出？呢次嚟香港最想食啲咩？想知就要睇足本訪問啦！
